Nós beleza

Mudjêr di Cabo Verde
Bô é trabadjadera
Bô é lutadora
Bô é forti
Bô é vencedora

Ku pé na tchôn
Ku mininu na costa
Ku lata riba kabeça
Ta dixi rubêra
Pa bus fidjus ka mori di sedi

Ku maxin na mô
Bu ta salta ladêra
Bu ta kata tchabeta
Bu ta ferbi catchupa
Pa bus fidjus ka mori di fomi

Dentu pobreza bu sta la
Bó ku bus mininus ta luta
Baxu sol di meidia
Bu ta kata dinhêru
Pa bu codê podi bai scola

Mudjêr di Cabu Verdi
Ku maridu, ô sem maridu
Bu sabi cubri bus fidjus
Ku kêl manta di amor
Pes governa Cabu Verdi